Na Mwandishi Wetu,

Dodoma.

Jaji Mfawidhi wa Mahakama Kuu Dodoma, Mhe. Dr. Juliana Masabo, ameipongeza Tume ya Usuluhishi na Uamuzi (CMA), Kwa kuanzisha Mfumo mpya wa kusajili Migogoro ya Kikazi Kwa njia ya mtandao unaofahamika kama ‘Online Case Management’ (OCMS).

Ametoa pongezi hizo wakati akimuapisha Msuluhishi wa CMA Mhe. Belinda Kamoleka, Mahakamani hapo leo Novemba 13, 2024, Jijini Dodoma.

Aidha Jaji Masabo amesema mfumo huo utarahisisha usikilizaji wa migogoro kwa wakati huku akiipongeza Tume kwa kufanikisha kuwa na mfumo unaosomana na Mahakama.

Aidha amemtaka Mhe. Belinda kufanya kazi kwa weledi, uadilifu na kutenda haki.